US Nepal Post

रोड आइल्याण्ड (अमेरिका), अगस्ट २० — टेलिभिजन कार्यक्रम Caught in Providence मार्फत संसारभर चिनिएका न्यायाधीश फ्रैंक काप्रियो (Frank Caprio) को ८८ वर्षको उमेरमा निधन भएको छ। उनी लामो समयदेखि प्यान्क्रिएटिक क्यान्सरसँग संघर्ष गरिरहेका थिए।

काप्रियोलाई उनका प्रशंसकहरूले “America’s Kindest Judge” भनेर चिन्थे। उनले साना ट्राफिक मुद्दाहरूलाई मानवीय दृष्टिकोण, विनम्रता र हाँसोका साथ हल गर्दै न्यायलाई दयालु र करुणामय बनाउन सकिन्छ भन्ने सन्देश दिएका थिए।

२०२३ मा क्यान्सरको जानकारी सार्वजनिक गरेपछि उनले पदबाट अवकाश लिए पनि सामाजिक सञ्जाल र युट्युबमार्फत आफ्ना अदालतका क्लिपहरू साझा गर्न जारी राखेका थिए। यसै वर्ष उनले आत्मकथा पनि प्रकाशित गरेका थिए।

उनको निधनपछि रोड आइल्याण्डका गभर्नरले राज्यभर झण्डा आधा झुकाउने घोषणा गर्दै श्रद्धाञ्जली अर्पण गरेका छन्। संसारभरिका लाखौँ प्रशंसकले उनलाई न्यायलाई न्याय मात्र नभई करुणा र मानवतासँग जोड्ने प्रेरणादायी व्यक्तित्वका रूपमा सम्झिरहेका छन्।