US Nepal Post

क्यालिफोर्नियाका एक संघीय न्यायाधीशले ट्रम्प प्रशासनको आप्रवासन अदालत परिसरमा आप्रवासीहरूलाई पक्राउ गर्ने नीतिमा देशव्यापी रोक लगाएका छन्।

गत वर्षदेखि ICE ले देशभरका आप्रवासन अदालतहरूमा सुनुवाइका लागि उपस्थित भएका आप्रवासीहरूलाई अदालत भवनभित्र वा बाहिरै पक्राउ गर्न थालेको थियो। अधिकारकर्मी र वकिलहरूले यसले अदालतलाई न्याय खोज्ने स्थानको सट्टा डरको वातावरण बनाएको भन्दै विरोध गर्दै आएका थिए।

न्यायाधीश पी. केसी पिट्सले आफ्नो आदेशमा उक्त नीति “मनपरी र अव्यावहारिक” रहेको उल्लेख गर्दै यसले गैरनागरिकहरूलाई अदालतमा उपस्थित हुन हतोत्साहित गर्ने बताएका छन्।

निर्णयको स्वागत गर्दै आप्रवासी अधिकार समूहहरूले अदालत सबैका लागि सुरक्षित र न्याय प्राप्त गर्ने स्थान हुनुपर्ने बताएका छन्। यता ट्रम्प प्रशासनले भने यो निर्णयको आलोचना गर्दै देशनिकालाको आदेश पाएका व्यक्तिहरूलाई हिरासतमा लिन पाउनुपर्ने तर्क गरेको छ।

यो फैसला ट्रम्प प्रशासनको कडा अध्यागमन कार्यान्वयन नीतिमाथि ठूलो कानुनी झट्काका रूपमा हेरिएको छ।