जुगले कोल्टे फेर्दैछ
ओ पितृसत्ता !
तैंले उसलाई
हजारौं साल देखि सत्ता त दिलाइस
तर
थाहै पाइनस
उसलाई तैंले कस्तो बनाइस
दम्भी, अहंकारी
लोभी–लालची, पर–पीडक
शोषक के के बनाइस
त्यसैलाई पुरुषार्थ संग गाँसिदिइस
ओ पितृसत्ता !
अर्थ बिगारिदिइस
साहस र पुरुषार्थको
अस्तित्व संकटमा पारिस
दया–माया, मानवता, करुणा र विवेकको
तर अव
जुगले कोल्टे फेर्दैछ
चेतनाले फड्को मार्दैछ
मानवता, समता, समानताको आवाज गुन्जदैछ
ओ पितृसत्ताका पिछलग्गुहरु!
पितृसत्ता ढल्दैछ अव
तेरो तानाशाही, साँढे डुक्राई चल्दैन अव
त्यसलाई पुरुषार्थ मानिँदैन अव
तेरो छद्म रुप देखिदैछ अव
परिवर्तन गर आफुलाई
ए पितृसत्ताका पछौटेहरु !
ए छद्म तानाशाहहरु !
हामीलाई एउटा
सुन्दर घर–परिवार
सभ्य समाज, देश चाहिएको छ
एउटा सुन्दर धरती चाहिएको छ
–
बेडफोर्ड, टेक्सास
मे १४, २०२१
© कपीराईट–युएसनेपाल पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु साभार नगर्न आव्हान गरिन्छ । कसैले जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
-
उनलाई डालस एयरपोर्टमा ...
-
भाषण गर्छ, निर्देशन दिन्छ उपदेश ...
