पागल भएँ म !
छरपस्ट भएका सपनाहरु
फेरि एक पल्ट
सम्हाल्दै छु म
नसोच ए दुनियाँ
पागल भएँ म !
बुझिराख ए दुनियाँ
मृत्यु–शैयाबाट उठेर
हिँडेको मान्छे हुँ म
कति चोटहरु सहेँ
तर कहिले ढलेँ र म ?
देखेको छु मैले
कति आफ्नाहरुको
उत्रेको मुखुण्डो
नसोच तिम्रो असली अनुहार
चिन्दिन म !
शीर उठाएर बाँच्नुमा
जो गरिमा छ
धन–दौलतको लागि
ऎश–आरामको लागि
लुते भएर भाग्दा
कहाँ हुन्छ ?
भाग्नु पर्दैन तिमीले
सहयोग गर्नु पर्छ भनेर
लिन्न सहयोग लुतेहरुको
जति चोट लागे पनि
छाती भित्र अझै
आत्म–सम्मान बाँकी छ
फेरि एक पल्ट
एक्लै एक्लै
यात्रामा निस्केको छु
जिन्दगीमा फेरि एक पल्ट
अर्को शिखर चढ़दै छु
नसोच ए दुनियाँ !
पागल भएँ म !
–
युलेस, टेक्सास
जुन ४, २०२१
© कपीराईट–युएसनेपाल पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु साभार नगर्न आव्हान गरिन्छ । कसैले जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
-
युलेस, टेक्सस — अगस्ट १५, २०२६ को ...
-
उनलाई डालस एयरपोर्टमा ...
