US Nepal Post

शिव शर्मा

टेक्सस– अमेरिकामा बसेर शारीरिक सुगठन प्रतियोगितामा आफुलाई अब्बल बनाइरहेका नेपाली युवा उत्सव सिंह यतिबेला चर्चित मसल एण्ड फिटनेस म्यागिजनको कभर पेजमा आउन लागी प्रतिस्पर्धा गरिरहेका छन् । यो म्यागजिन बडी बिल्डिङ सम्बन्धि बहुचर्चित मानिन्छ ।

यो म्यागजिनमा हलिउडका चर्चित सेलिब्रेटी देखि अन्य क्षेत्रमा ख्याति कमाएकाहरु कभर फोटो छापिने गरेको छ । यतिबेला यो चर्चित म्यागजिनको कभर फोटोमा आउनका लागी बुटबल स्थायी घर भएका नेपाली ठिटो उत्सव सिंह प्रतिस्पर्धामा छन् । प्रतियोगिताको क्वाटरफाइनलका लागी आज भोट गर्ने अन्तिम दिन हो । नेपाली गौरव उत्सवलाई बहुचर्चित म्यागजिनको कभर फोटोमा ल्याउन सबैलाई भोट गर्न उत्सवले आग्रह गरेका छन् । भोटिङ निर्णायक हुनेछ जितका लागी । अहिले उनी भोटिङमा दोस्रो स्थानमा छन् । उनले क्वाटरफाइनल जिते भने सेमिफाइन हुदै फाइनलको यात्रा जितेर चर्चित म्यागजिनको कभरमा आएर आफनो मात्र नभई नेपालीको गौरवलाई झल्काउने छन् ।
अमेरिकाका टेक्ससको मस्किटमा बस्दै आएका उत्सवले हालै मात्र टेक्ससमा आयोजना भएको मिष्टर एण्ड मिस युएसए प्रतियोगितामा दुई स्वर्ण पदक जितेका थिए । यस अघि २०१९ मा मे्रल्यान्डमा भएको प्रतियोगितामा समेत उनले गोल्डमेडल जितेका थिए । अमेरिकामा बसेर नेपालको प्रतिनिधित्व गदै गोल्डमेडल जित्ने उनि पहिलो युवा हुन ।

सात वर्ष अघि अमेरिका आएका उत्सवले नेपालमा रहदा पनि मिष्टर नेपाल देखि अन्य शारीरक सुगठन प्रतियोगितामा सहभागी भएर पुरस्कार जितेका थिए ।

भेाट गर्न येा लिंकमा जानु हेाला

https://cdn.mshealthandfitness.com/8c7819b51bbe3b4d34c9c5d2651ba245.jpg