एकाबिहानै
भुर्र उडेर आईन
एउटी फुच्ची चरी
अति सुन्दर स्वर्गकी परी
फुर्रफुर्र गर्दै झ्यालमा बसिन
अनि मलाई हेर्दैथिइन्
कहिले त्यो कुनामा
कहिले उ कुनामा
चिरबिर गर्दैथिइन्
लाग्यो ऊनी मलाई
केहि भन्न खोजिरहेकिथिइन्
कसरि बुझुँ म
उनको बोली
केहि भन्दैथिइन् चुच्चो खोली
लाग्दथ्यो
छ केहि गहिरो सम्बन्ध उनको र मेरो
एउटै ढुकढुकी छ मुटुमा हाम्रो
सम्झिएँ
बन, भीर–पाखामा तिमी सँग हिडेको
हिउँदे, बर्खे खोलाहरु तरेको
सेता हिमालहरु हेरेको
नीलो समुन्द्रमा डुलेको
एउटै ढुकढुकीमा हामी बाँचेको
एक छिन पछि
उनी फुर्र उडेर गईन
म पर्खिरहेँ, पर्खिरहेँ
तर उनी फर्किनन्
मैले सोचेँ
तिमी आयौ
स्वर्गबाट भेट्न मलाई
मलाई हेर्यौ
अनि फर्कियौ
–बैकुण्ठराज आचार्य
सेप्टेम्बर १, २०२१
© कपीराईट–युएसनेपाल पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु साभार नगर्न आव्हान गरिन्छ । कसैले जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
-
उनलाई डालस एयरपोर्टमा ...
-
भाषण गर्छ, निर्देशन दिन्छ उपदेश ...