कुर्सी महिमा
–बैकुण्ठराज आचार्य
कुर्सी बिना मेरो के अस्तित्व
कुर्सी बिना मेरो संघर्षको के महत्व
दुनियाँलाई म जे सुकै भाषण दिउँ
भित्री कुरो कुर्सीको लागि नै यो सब गरेको हुँ
जान्ने बुझ्ने भनाउँदा हो !
मैले तिमीहरुको नाडी छामिसकेको छु
मेरो अगाडी तिमीहरुको केहि मूल्य छैन
भासिए हुन्छ बाहिर कतै, म दुखी: हुने छैन
आफु जिउँदो छँदै नै सवै मोज गर्ने हो
जेसुकै भनुन अरुले, त्यो तपशीलको कुरा हो
“भाड मे जाए” देश, शान्ति र संस्कृति
जसरि पनि म कुर्सीमा बस्नु पर्छ, नत्र हुन्छ सवै बिकृती
इतिहास !
त्यो त मेरा “भाट“हरुले लेखिहाल्छन
कुर्सिवालाको सवै “फट्याई“हरु लुकाईहाल्छन
मलाइ उच्च, महान व्यक्तित्व बनाईहाल्छन
ए कुर्सी ! तिमी कति शक्तिसाली छौ
लाग्छ तिमी एउटा रहस्यमयी “लाल परी” हौ
देख्यौ! तिमीलाई पाउन कति मरिहत्ते गर्छन
तिम्रो लागि आफ्ना ईमान, धर्म–संस्कृती सवै बेच्दछन्
सम्बन्धित खवर
-
उनलाई डालस एयरपोर्टमा ...
-
भाषण गर्छ, निर्देशन दिन्छ उपदेश ...
