प्रार्थना
एउटा भन्छ – उसको पतन भईसक्यो
अर्को भन्छ – उ त खतम भईसक्यो
दुवै आ–आफ्नो डम्फु बजाइरहेका छन्
हाम्रो टाउको टनटन दुखाइरहेका छन्
झगडै–झगडा गर्या –गर्यै छन्
मुखमा जे आयो बोल्या बोल्यै छन्
वर्षा–हिउँद, कोभिड, चाड–पर्व केहि पनि भन्दैनन्
एकोहोरो सत्तो–सराप गर्या गर्यै छन्
के भयो, किन सिद्धान्त–विचार अलपत्र पर्यो ?
तिनीहरुलाई अरण्य–रोदन किन गर्नु पर्यो ?
रिस खा‘को आफु बुद्धि खा‘को अर्को भन्थे बुढा–पाकाले
तिनीहरुको चाला देख्दा खिस्स हाँस्यो छिमेकीले
तिनीहरुको झगडाको कहिले अन्त्य होला ?
कुर्सी–लडाई नगरि देश बनाउने बुद्धि कहिले आउने होला ?
दैवी शक्ती ! प्रार्थना छ तिमीलाई यसपाली यति गरिदेऊ
काठको साँघुरो फट्केमा लडिरहेका यिनीहरुलाई सद्बुद्धि देऊ !
(पुनश्च : घटस्थापना–२०७८ को एकाबिहानै फेसबुकमा देखिएको एउटासमाचारले फुराएको सिर्जना )
सम्बन्धित खवर
-
उनलाई डालस एयरपोर्टमा ...
-
भाषण गर्छ, निर्देशन दिन्छ उपदेश ...
