US Nepal Post

टेक्सस– भन त प्रिय
मेरो प्रेम तिमीलाई कस्तो लाग्छ
साच्चै भनु मलाई त सिंगो संसार जस्तो लाग्छ ।
गजलकार राधाकृष्ण काफले
यी यस्तै गजलकारहरुको बेजोड गजल प्रस्तुती सहित आउदो नोभेम्बर २० मा टेक्ससको हयुस्टनमा चौथो संस्करणको गजल उत्सव हुदैछ । अमेरिकाका विभिन्न राज्यमा रहेका गजलकारहरुको गजल उत्सवमा सुन्न सकिनेछ । गजल यात्रा तथा अन्तराष्ट्रिय नेपाली साहित्य समाज हयुस्टनले कार्यक्रमको आयोजना गरेको हो ।

यस अघि टेक्ससको ड्यालसको नेपाली मन्दिरमा पहिलो गजल उत्सव भएको थियो । दोस्रो गजल उत्सव पनि ड्यालस पनि भयो । तेस्रो गजल उत्सव भने ओहायो राज्यमा सम्पन्न भएको थियो । अव चौथौ सस्करण टेक्ससको हयुस्टनमा तयारी भएको छ । टेक्ससका चार  उत्साही युवा गजलकारहरु पवन लामिछाने, बासु पुष्पा अधिकारी, राधाकृष्ण काफले तथा नेत्र आचार्यको पहलमा गजल यात्रा सुरु भएको थियो ।
यस पटकको उत्सवमा गजल वाचन सगै गजल गायन पनि हुने आयोजकले जनाएका छन् ।