तिम्रो तस्विर
तिमी छैनौ
पत्याउँदैन मनले
लाग्छ
भित्तामा हाँसिरहेको तिम्रो तस्विर
भनिरहेको छ
म यहीँ छु
तिमी संगै छु
लाग्छ
भनिरहेको छ
फर्किसकें म
त्यो दिव्य–यात्रा र दिव्य –धामबाट
जहाँ मलाई लागिएको थियो
तिमी बिनाको त्यो दिव्य–धाम
त्यो मरुस्थल
मलाई के काम?
लाग्छ
भनिरहेको छ
स्वरुप फरक देख्लाउ मेरो
एउटा चलायमान शरीर छैन मेरो
तर सार एउटै हो
प्रेम एउटै हो
तिमीले मन भित्र राखेको मेरो तस्विर
अनि यो तस्विर एउटै हो
लाग्छ
भनिरहेको छ
म तिमीमा समाहित भैसकेको छु
तिमी जहाँ जान्छौं
तिमी जहाँ हुन्छौं
म सँधै तिमी सँगै हुन्छु
–
(नोभेम्बर ८, २०१९ मा स्वर्गारोहण भएकी जीवनसाथी ईरा आचार्यकोसम्झनामा)
© कपीराईट–युएसनेपाल पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु साभार नगर्न आव्हान गरिन्छ । कसैले जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
-
युलेस, टेक्सस — अगस्ट १५, २०२६ को ...
-
उनलाई डालस एयरपोर्टमा ...
