US Nepal Post

अमेरिका– मानव तस्करको जंजालमा परेर टर्की हुदै गैरकानुनी रुपमा ग्रिस छिर्न खोज्दा सवारी दुर्घटनामा परेर ज्यान गएका चार नेपालीको पहिचान भएको छ ।
ग्रिसको राजधानी एथेन्सबाट ५ सय २ किमी पुर्वमा सात जनाको ज्यान गएकोमा चार जना नेपाली भएको पृष्ठि भएको हो ।
मुत्यु हुनेमा रसुवाकी २१ व्र्षिया रमिला घले, कैलालीका ३८ वर्षिय लक्ष्मण सापकोटा , तनहुका ओमबहादुर थापा र दोलखाका ३० वर्षिय राजु लामा रहेका छन् ।
विना लाइसेन्सले चलाएको सवारीमा १५ जना यात्रु सवार थिए । ग्रिस प्रहरीले चेकजाचका क्रममा रोक्न खोज्दा तिब्र गतिको कार पर्खालमा ठोक्किएको थियो । पर्खालमा ठोक्किएपछि कार दुर्घटनाग्रस्त भएको थियो ।
दुर्घटनामा घाइते भई अस्पताल भर्ना भएका कैलालीका लोकराज आचार्य र दोलखाकी मनु लामा केही दिनको उपचारपछि डिस्चार्ज भएका छ्न ।
मानव गिरोहको जालमा परेर नेपाल टर्की हुदै ग्रिस सम्म पुग्दा प्रति व्यक्ति १२ देखि १५ लाख रुपैया सम्म नेपालीहरुले गिरोहलाई बुझाएका थिए ।