अमेरिकी नौसेनाद्धारा अरब सागरबाट ४० लाख डलर मुल्यको हिरोइन जफत

समाचार

१५ पुष २०७८, बिहीबार १४:२६

अमेरिका– अमेरिकी नौसेनाको जहाजले अरब सागरबाट ३८५ किलोग्राम हिरोइन जफत गरेको छ ।
जफत गरिएको हिरोइनको मुल्य ४० लाख अमेरिकी डलर रहेको अनुमान गरिएको छ ।
अमेरिकी जहाज युएसएस टेम्पेस्ट तथा युएसएस टायफुनले मध्यपुर्व जलक्षेत्रमा माछा समात्ने एउटा जहाजमा लुकाएर राखेको अवस्थामा हिरोइन बरामद गरेको हो । उक्त जहाजमा कुनै पनि देशको नाम नभएको बताइएको छ ।
अमेरिकी नौसेनाका प्रवक्ता टिमोथी हाकिन्सले माछा समात्ने उक्न जहाज संभवत इरानबाट आएको हुन सक्ने बताएका छन् । उक्त जहाजका चालक दल सहित ९ सदस्यको पहिचान इरानी नागरिकको रुपमा भएको छ ।

© कपीराईट–युएसनेपाल पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु साभार नगर्न आव्हान गरिन्छ । कसैले जानकारी विना साभार गरेको पाइएमा कानुनी कार्वाही गर्न बाध्य हुनेछौ ।