US Nepal Post

अमेरिका– अमेरिकाको न्युयोर्कमा चर्चित गायक राजेश पायल राई माथि हातपात भएको छ ।
अग्रेजी नया वर्षको पुर्वसन्ध्यामा शुक्रबार राती आयोजीत न्यु एयर इभ कार्यक्रममा उनी माथि हातपात भएको हो । उनी माथि हातपात भएको भिडियो सामाजिक संजालमा समेत भाइरल भएको छ ।
स्टेजमा गीत गाइरहेका राई माथि एक व्यक्तिले पछाडीबाट आएर घाटीमा समातेर प्रहार गरेको देखिएको छ । ममता राईले शेयर गरेको टिकटक भिडियोमा समेत गायक राई माथि स्टेजमै हातपात गरेको देखिएको छ ।
बुद्ध ट्याक्सले आयोजना गरेको कार्यक्रममा राई माथि हातपात भएपछि आयोजकले घटनालाई सामान्यीकरण गरेर भित्रभित्रै लुकाउन खोजे ।
नेपालबाट अतिथीको रुपमा गीत गाउन आएका राई माथि स्टेजमै हातपात भएपछि उनका प्रशसकले विरोध जनाएका छन् । उनले किन स्टेजमा पुगेर राई माथि यस्तो व्यवहार गरे केही बाहिर आएको छैन ।

राइले चार घन्टा सम्म न्युयोर्कका नेपालीलाई आफना लोकप्रिय गीतले नचाएका थिए । उनको गीतमा झुम्न न्युयोर्क आसपासका नेपालीहरु झुम्मिएका थिए ।
घटनापछि राईले प्रतिकृया दिदै भनेका छन्– अगाडीबाट आउने ज्वालामुखी पनि सहन सक्छु । उनले पछाडीबाट आफु माथि भएको आक्रमण पछि यस्तो प्रतिकृया दिएका हुन ।