US Nepal Post

टेक्सस– टेक्ससको ड्यालस बस्दै आएका २८ वर्षिय मदन खरेल वर्षदिन देखि बेपत्ता भएका छन् ।
परिवार तथा आफन्तसंग सम्पर्कमा नआएपछि उनको खोजीका लागी सहयोग गरिदिन आफन्तजनले सबैसंग आग्रह गरेका छन् । अमेरिका तथा नेपालमा रहेका परिवार संग उनको सम्पर्क नभएको वर्ष दिन भन्दा बढी भइसकेको आफन्त रमा खनालले बताएकी छिन् ।
२०१९ को अन्ततिर हामीसंग सम्पर्क भएको थियो, रमाले भनिन–त्यसपछि उहा“संग हाम्रो र परिवारको सम्पर्क हुन सकेको छैन ।
पढाईमा समेत तेज रहेका मदन खरेलेले बायो मेडिकल इन्जिनियरिङमा ब्याचलरको अध्ययन सकेका थिए । परिवारका एक्लो छोरा रहेका मदनका बुबा आमाको भने देहान्त भइसकेको छ । परिवारमा उनका तीन दिदिहरु मात्रै रहो छन् ।
सन् २०१४ मा डिभी परेर अमेरिका आएका मदन टेक्ससको ह्युस्टन बस्दथे । हयुस्टनमा अध्ययन गर्दा गदै उनी २०१७ को अन्ततिर डयालस बसाइ सरेका थिए । उनी अर्भिङ स्थित अपार्टमेन्टमा बस्दै आएका थिए ।
पढाईमा निकै अब्बल रहेका थिए, एनआरएनए टेक्सस च्याप्टरका महासचिव चण्डी भण्डारीले भने– यसरी बेपत्ता हुदा परिवारलाई समेत तनाव बढाएको छ । भण्डारीले शुक्रबार खरेल बेपत्ता भएको बारे प्रहरीमा खोजीका लागी सुचना दिने बताएका छन् ।
उनी नेपालकेा कपिलबस्तुबाट अमेरिका आएका हुन ।