US Nepal Post

अमेरिका– जहाज चढेर सुन्दर सपना बोकेर अमेरिका आएका २९ वर्षिय पृथ्वी लम्सालको सपना बग्रेल्ती थिए । तर सोचेका सपना सबै पुरा नहुने रहेछ । जहाज चढेर बा आमालाई भेटन नेपाल जाने उनको सपना बीचमै तुहियो ।
मोटरसाइकल दुर्घटनामा परेर कोमामा पुगेको उनको निधन भयो । विभिन्न कानुनी प्रकृया पछि उनको शब बिहीबार नेपाल पठाइएको छ । तर दुर्भाग्य उनको शब काठको बाक्समा कैद भएर नेपाल पुगेको छ ।
अघिल्लो साता भर्जिनियाबाट साथी भेटन हिडेका लम्सालको न्युजर्सिमा मोटरसाईकल दुर्घटनामा परेर ज्यान गएको थियो ।
अमेरिकाको म्यासाच्युसेटसको नर्थइस्र्टन युनिभर्सिटीबाट उच्च शिक्षा हासिल गरेर उनी कामको सिलसिलामा भर्जिनिया बस्दै आएका थिए । गएको मे १ मा साथीलाई भेटेर न्युजजर्सिबाट भर्जिनिया फर्किदै गर्दा उनको मोटरसाइकल दुर्घटनामा परेर निधन भएको थियो । उनको शब टर्किस एयरलायन्स मार्फत नेपाल पठाइएको हो ।