US Nepal Post

अमेरिका– अमेरिकामा आफनी आमाले फोन अनलक छाडेपछि दुई वर्षको बालकले गल्तीले म्यागडोनालबाट ३१ वटा चिजबर्गर अर्डर गरिदिएका छन् ।
टेक्ससकी केल्सी गोल्डेन नामकी महिलाले कम्पयुटरमा काम गरिरहेका बेला आफुबाट फोन खोसेर बालकले फोनको स्क्रीनमा दबाउन थालेपछि डोरडयास एपमा गल्तीले अर्डर भएको हो । मिडिया मार्केटिङको काम गर्ने केल्सी कम्पयुटरमा विद्यालयको काममा व्यस्त भइरहेका बेला यस्तो भएको थियो ।
केल्सीले बच्चाका लागी पहिला नै लन्चको अर्डर गरिसकेकी थिइन । तर जब डेलिभरी ब्वाई उनको ढोकामा ठुलो ब्याग लिएर आए । उनलाई लाग्यो गलत ठेगानामा उसले डेलिभरी लिएर आएको होला ।
जब उनले आफनो फोन चेक गरिन तब दुई वर्ष छोराले गल्तीले ३१ चीज बर्गर अर्डर गरिदिएछन् । दुर्घटनावश भएको यो अर्डरले उनको टाउको दुखाई बन्यो । किनकी उनको घरमा कसैले पनि चीज बर्गर खादैन्थे । उनले फेसबुकमा पोष्ट गदै फ्रि बर्गर खान अफर गरिन । उनको घर बाहिर बर्गर खान आउनेहरुको लाम लागेको थियो । यो घटना अहिले सामाजिक संजालमा भाइरल भएको छ ।