पुर्व राष्ट्रपति जर्ज डब्लु बुसको हत्याको साजिस रचेको आरोपमा इराकी नागरिक पक्राउ

समाचार

११ जेष्ठ २०७९, बुधबार १९:५६

अमेरिका– अमेरिकाको ओहायोमा बसोबास गर्ने भएक इराकी नागरिक पुर्व अमेरिकी राष्ट्रपति जर्ज डब्लु बुसको हत्याको साजिस रचेको आरोपमा पक्राउ परेका छन् ।
ओहायोको न्याय विभागले समाचार एजेन्सीलाई दिएको जानकारी अनुसार पक्राउ पर्नेमा ५२ वर्षिय शिहाब अहमद रहेका छन् ।
उनी माथि बुसको हत्या गर्न विदेशी व्यक्तिलाई अमेरिका ल्याउन एजेन्टलाई पैसा दिएको आरोप छ । उनले पुर्व राष्ट्रपति बुसको निगरानीका लागी २०२२ मा टेक्ससको ड्यालसको यात्रा समेत गरेको सिएएनएनको एउटा रिपोर्टमा खुलेको छ । पक्राउ पछि आरोपीलाई ओहायोको संघीय अदालतमा पेश गरिएको छ ।
उनी २०२० मा अमेरिकी प्रवेश गरेको बताईन्छ । उनको फोन को रेकर्डमा केही शंकास्पद कुराहरु पनि फेला परेको छ ।

© कपीराईट–युएसनेपाल पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु साभार नगर्न आव्हान गरिन्छ । कसैले जानकारी विना साभार गरेको पाइएमा कानुनी कार्वाही गर्न बाध्य हुनेछौ ।