US Nepal Post

अमेरिकाको टेक्ससमा ग्यास स्टोरमा काम गर्ने नेपाली युवामाथि बन्दुक आक्रमण हुदा घाइते

अमेरिकाको टेक्ससको युलेशमा ग्यास स्टोरमा काम गर्ने एक नेपाली युवा अज्ञात समुहको बन्दुक आक्रमणबाट घाइते भएका छन् ।
स्टोरको काम सकेर राती घर जानका लागी बाहिर निस्कने क्रममा नेपाली युवा दिपेन्द्र जोशी माथि बन्दुक आक्रमण भएको हो । बन्दुक आक्रमणबाट उनको एउटा हातको हड्डी क्षतिग्रस्त भएको छ । उनी १२ देखि १३ राउन्ड अन्धधुन्ध गोली प्रहार हुदा उनलाई दुई वटा गोली लागेको थियो । झन्डै तीन महिनादेखि ड्यालसको एउटा अपार्टमेन्टमा बसेर जोसीले स्टोरमा म्यानेजरको काम गदै आएका थिए । स्टोरमा काम गरेको दुई साता पनि पुरा नहुदै उनी माथि यस्तो दुख्द घटना हुन पुगेको हो ।
श्रीमति तनुजा हालै मात्रै नेपालबाट आएपछि विस्कन्सनमा रहेका दिपेन्द्र टेक्सस बसाई सरेका थिए ।
परिवारिक स्रोतका अनुसार आइटी कम्पनीमा काम गदै आएका दिपेन्द्रलाई उक्त कम्पनीले विना सुचना कामबाट निलम्बन गरेको श्रीमति तनुवाले बताएकी छिन् ।
गोली लागेर गंभीर भएका दिपेन्द्र अझै पाच महिना आराम गर्नुपर्ने र परिवारमा कमाउने कोही नभएकाले आर्थिक सहयोगका लागी श्रीमति तनुजाले गोफन्ड मार्फत आग्रह गरेकी छिन् ।