टेक्ससमा कार दुर्घटनामा ज्यान गुमाएका यादवकेा अन्तेष्टि गरिदै
टेक्सस-टेक्ससमा आफुले चलाएको कार हाइवेको डिभाइडरमा गएर ठोकिएर आगलागी भइ दुर्घटनामा ज्यान गुमाएका नेपाली विद्यार्थी मनोज यादवको नेपाल समाज टेक्ससले अन्तेष्टि गर्ने भएको छ ।
उनको आउदो आइतबार अन्तेष्टि सहित श्रद्धान्जली समारोह गरिनेछ ।
मनोजको आफन्त अमेरिकामा कोही नहुदा उनको शब पहिचानमा ढिलाइ भएको थियो । उनले चलाएको कार टेक्ससको वाक्सहेची सिटीको एउटा हाइवेमा दुर्घटना भएको थियो ।
प्रहरीका अनुसार उनको शरीरको ९० देखि ९५ प्रतिशत भाग जलेको अवस्थामा भेटिएको थियो । शब नचिने अवस्थामा थियो र फिन्गर प्रिन्ट पछि उनको पहिचान भएको थियो । गएको जुलाईको अन्तिम साता उनी दुर्घटनामा परेर ज्यान गुमाए पनि प्रहरीले उनको आफन्त कोही फेला नपारेपछि समस्या भएको थियो ।
पछि नेपाली समुदायका समन्वय गरेर प्रहरीले शब नेपाली समाज टेक्ससलाई बुझाएको हो । उनी २०१० मा विद्यार्थी भिषामा अध्ययनका लागी अमेरिका आएका थिए । पछिल्लो समय उनी अमेरिकामा साथीभाइ संगबाट टाढा र एक्लै बस्दै आएका थिए ।
सम्बन्धित खवर
-
नयाँ वर्षको पहिलो दिन, न्यू ...
