US Nepal Post

लुइजियानामा भएको सडक दुर्घटनामा असामयिक रूपमा ज्यान गुमाएका रोजिन ओलीलाई टेक्सास नेपाली समाजले आज अत्यन्तै भावुक वातावरणमा अन्तिम विदाई गर्‍यो।

अन्तिम संस्कारमा परिवारका सदस्य, साथीभाइ र नेपाली समुदायका प्रतिनिधिहरू उपस्थित थिए। आँशु र सम्झनामा डुबेका उनका नजिकका मानिसहरूले रोजिनलाई श्रद्धाञ्जलि अर्पण गर्दै भने, “तिमी हाम्रो सम्झनामा सधैं रहिरहनेछौ।”

समुदायका अगुवाहरूले रोजिनको असामयिक निधनले ठूलो क्षति पुगेको भन्दै उनको सम्झनामा मौन धारण र प्रार्थना गरे। सबैले रोजिनलाई जीवनभरको मुस्कान, सहयोगी स्वभाव र आत्मीय व्यवहारका कारण सम्झिँदै आँखा रसाए।

यो भावुक क्षणमा उपस्थित सबैको मुटु एउटै पीडाले भरिएको थियो — “रोजिन, विदा, हामीले तिमीलाई कहिल्यै बिर्सिने छैनौं।”