आईसीयूमा जीवन–मृत्युको सङ्घर्षमा वरिष्ठ कलाकार रमेश केसी, सहयोगको अपिल
टेक्सासस्थित फोर्ट वर्थमा बसोबास गर्दै आएका वरिष्ठ चित्रकार तथा कलाकार रमेश केसी अहिले गम्भीर स्वास्थ्य अवस्थामा अस्पतालको आईसीयूमा उपचाररत छन्। हालै उनलाई भएको गम्भीर हृदयाघातपछि आपतकालीन एन्जियोप्लास्टी गरिएको छ। चिकित्सकका अनुसार उनको एउटा धमनी १००% र अर्को ९०% बन्द भएको पाइएको थियो।
कलाकार केसीको अवस्था गम्भीर रहेको र उनी जीवन–मृत्युको सङ्घर्षमा रहेको बताइएको छ। उनी उपचारका क्रममा जीवनदायी मेसिन र मेडिकल सपोर्टमा रहेका छन्।
नेपालबाट कला अध्ययन गरेका केसीले त्रिभुवन विश्वविद्यालयअन्तर्गत ललितकला क्याम्पसबाट फाइन आर्ट्स गरेका हुन्। उनले आफ्नो कला यात्रा लन्डनस्थित राष्ट्रिय ग्यालरीदेखि न्यूयोर्कका प्रतिष्ठित प्रदर्शनीसम्म पुर्याएका छन्। साथै, उनले शिक्षणमार्फत धेरै युवा कलाकारलाई मार्गदर्शन पनि गरेका छन्।
तर अहिलेको यो संकटसँगै उनको परिवार आर्थिक कठिनाइमा परेको छ। उनी भर्खरै नयाँ जागिरमा प्रवेश गरे पनि बीमा (health insurance) लागू नभएको अवस्थामा अस्पताल खर्च थपिएको छ। उनकी श्रीमतीले पनि हेरचाहका लागि जागिर छोड्नुपर्ने बाध्यता आएको बताइएको छ।
परिवारले उपचार र खर्च व्यवस्थापनका लागि सहयोगको हार्दिक अपिल गरेको छ।
👉 सहयोग र जानकारीका लागि:
- रमेश केसीको Facebook पेज तथा Finesse Art Page (Facebook) मार्फत सम्पर्क गर्न सकिने बताइएको छ।
सम्बन्धित खवर
-
अमेरिकाको Central Falls, Rhode Island मा ५० वर्षीया ...
-
काठमाडौं, चैत १३ — नेपालले आज ...
