दुवै मिर्गौलाले काम गर्न छाडे, लिभर पनि गम्भीर रूपमा प्रभावित — तीन सन्तानकी आमा गीता राई रसाइली जीवन–मरणको संघर्षमा
अमेरिकामा बसोबास गर्दै आएकी गीता राई रसाइली यतिबेला जीवन–मरणको कठिन संघर्षमा छिन्। उनका दुवै मिर्गौलाले काम गर्न छाडेका छन् भने लिभर सिरोसिस र हेपाटिक एन्सेफालोप्याथी जस्ता जटिल रोगले उनको स्वास्थ्य अवस्था अत्यन्त नाजुक बनाएको छ।
विगत केही महिनादेखि अस्पताल र घरको चक्कर काटिरहेकी गीता हाल नियमित डायलाइसिसमा निर्भर छिन्। मिर्गौलाले काम गर्न छाडेपछि उनको जीवन बचाउन निरन्तर उपचार आवश्यक परेको छ। त्यसमाथि लिभरसम्बन्धी गम्भीर समस्याले उनको अवस्था झन् जटिल बन्दै गएको परिवारले जनाएको छ।
तीन सन्तानका पिता तथा गीताका श्रीमान् दिल रसाइलीले उपचारका लागि सक्दो प्रयास गरिरहे पनि बढ्दो अस्पताल खर्च, औषधि र नियमित उपचारको आर्थिक भार थेग्न निकै कठिन भएको बताएका छन्। परिवारले अहिले सहयोगी मनहरूको साथ र समर्थनको अपेक्षा गरेको छ।
दिल रसाइलीले आफन्त, साथीभाइ, नेपाली समुदाय तथा सहयोगी मनहरूलाई गीताको उपचारका लागि आर्थिक सहयोग र प्रार्थना गर्न भावुक अपिल गरेका छन्। उनका अनुसार प्राप्त हुने प्रत्येक सहयोगले उपचारलाई निरन्तरता दिन र गीतालाई नयाँ जीवनको आशा दिन मद्दत पुग्नेछ।
सहयोगका लागि बैंक विवरण:
Direct Deposit
Name: Dil Rasaili
Bank: Bank of America
A/C No.: 586032076380
गीता राई रसाइलीको शीघ्र स्वास्थ्यलाभको कामना गर्दै परिवारले सबै सहयोगी मनहरूलाई धन्यवाद व्यक्त गरेको छ।
सम्बन्धित खवर
-
ग्रिनकार्डधारी सावधान! विदेश ...
-
क्यालिफोर्नियाका एक संघीय ...
