नेपाली अमेरिका पत्रकार संघकाे अधिवेशन न्युयाेर्कमा

समाचार

६ पुष २०७६, आईतवार १८:०२

टेक्सस– नेपाल अमेरिका पत्रकार संघ (नेजा) को सातौं अधिवेशन तथा १४ औं साधारणसभा अमेरिकाको न्यूयोर्क शहरमा हुने भएको छ ।

विश्व प्रेस स्वतन्त्रता दिवसको अवसर पारेर मे २ र ३, २०२० मा अधिवेशन गर्न लागिएको सचिव सुरज भन्डारीद्रारा जारी विज्ञप्तिमा जनाइएकाे छ ।

अधिवेशन सम्पन्न गर्न संघकी उत्तर पूर्व क्षेत्रकी संयोजक कल्पना घिमिरेलाई संयोजक चयन गरिएको छ । संघका कार्यवाहक अध्यक्ष विकास राज न्यौपानेको अध्यक्षतामा बसेको कन्फ्रेन्स कल बैठकले अधिवेशन न्यूयोर्कमा गर्ने निर्णय गरेको हो ।

अधिवेशन सफल पार्न सहयोग गर्न र सहभागि हुन उत्तर अमेरिकामा रहेका पत्रकारहरुमा नेजा विशेष आग्रह गर्दछाै, विज्ञप्तीमा भनिएकाे छ ।

© कपीराईट–युएसनेपाल पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु साभार नगर्न आव्हान गरिन्छ । कसैले जानकारी विना साभार गरेको पाइएमा कानुनी कार्वाही गर्न बाध्य हुनेछौ ।