युएसनेपाल पोष्टको शुभराम्भ

समाचार

२९ भाद्र २०७६, आईतवार ०२:४७

सभासद तथा नेपाल सरकारका पुर्व सुचना तथा संचार मन्त्री डा मिनेन्द्र रिजालले शनिवार अमेरिकाको टेक्ससबाट संचालित युएस नेपाल पोष्ट डिजिटल पत्रिकाको शुभराम्भ गरे ।
अमेरिकामा रहेका रिजालले युएसनेपाल पोष्टको शुभराम्भ गदै डिजिल पत्रिकाले अमेरिकाकामा रहेको नेपाली समुदायको आवाज बुलन्द गर्न सक्षम होस भन्दै समाचारमुलक वेवसाइटको निरन्तरताको कामना गरे ।

प्रवासमा संचालनमा आएको यो भिडियालाई निरन्तरताका लागी स्थानिय समाजहरुले सहयोग गर्नु पर्नेमा जोड दिए । विज्ञापनका सामाचारमुलक वेवसाइटको मुटु भएकाले यसका लागी सहयोग आवश्यकता रहेको बताए ।
कार्यक्रममा गैरआवासिय नेपाली संघ एनआरएनए अमेरिकाका अध्यक्ष सुनिल शाहले वेभसाइटले एनआरएनको गतिविधीलाई प्राथमिकता दिइन गलत क्रियाकलापलाई खबरदारी र सही कामलाई पनि सम्मान गर्न आग्रह गरे ।

कार्यक्रममा टेक्ससका युवा व्यवसायी हरिबोल भन्डारीले संचालनमा आएको युएसनेपाल पोष्टलाई नेपाली समुदायले आवश्यक परेको खण्डमा सहयोग गर्ने प्रतिवद्धता व्यक्त गरे ।
नेपाली समाज टेक्ससका अध्यक्ष सुमन थापाले नेपाली समुदायका विषयलाई उठान गर्न युएसनेपाल पोष्ट सफल होस भन्ने शुभकामना व्यक्त गरे ।
कार्यक्रममा पत्रकार सञ्जय घिमिरे, लेखनाथ गौतम र युएस नेपाल पोष्टका प्रधानसम्पादक शिव शर्माले पनि मन्तव्य राखेका थिए ।
अमेरिकाको टेक्ससबाट संचालित यो डिजिटल पत्रिकाले अमेरिकाका नेपाली समुदायका गतिविधिलाई पहिलो प्राथमिकता दिनेछ ।

© कपीराईट–युएसनेपाल पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु साभार नगर्न आव्हान गरिन्छ । कसैले जानकारी विना साभार गरेको पाइएमा कानुनी कार्वाही गर्न बाध्य हुनेछौ ।