US Nepal Post

टेक्सस– अमेरिकामा बेपत्ता एक भारतीय मुलकी एक महिलाई प्रहरीले गाडीको डिक्की भित्र मृत फेला पारेको छ ।
शिकागोको इलिनाेइस  बसोबास गर्ने ३४ वर्षीय सुरील डब्बावालालाई आफनै गाडी भित्रको डिक्कीमा मृत फेला पारेको हो । शिकागोको पश्चिम क्षेत्रको सडकमा पार्क गरिएको अवस्थामा उनको शब सेताे रंगकाे लेक्सस सेडान कार भित्र भेटिएको थियो ।
गत डिसेम्बर ३० बाट उनी बेपत्ता भएपछि परिवारजनले खोजी गरी पाउँ भन्दै प्रहरीमा उजुरी दिएको थियो । उनको शब कम्बलमा बेरिएको अवस्थामा भेटाइएको थियो ।

उनी जिमबाट वर्क आउट गरेर आफनो कारबाट हिडेपछि घर नफर्किएकी उनलाई गाडी भित्र मृत भेटाइएको हो । उनी शिकागो लोयर युनिभर्सिटीममा एमबीए गदै थिइन । उनी प्रसिद्ध डाक्टर अशरफ डब्बावालाकी छोरी हुन ।
भारतको गुजरात निवासी डब्बालालाई यस अघि फेला पार्नेलाई ८० लाख रुपैया पुरस्कार दिने घोषणा समेत परिवार जनले गरेको थियो । तर उनलाई मृत अवस्थामा फेला पारिएको छ । उनको मुत्यु के कारणले भएको हो भन्ने बारेमा केही खुलाइएको छैन । यस बारेमा अधिकारीहरुले अनुसन्धान गरिरहेका छन् ।

तस्वीर एजेन्सी