क्षणिकाहरु

साहित्य

१.

भन्छौ

अनायसै भेट भयो

के थाहा तिमीलाई

कति “होमवर्क” गरें

२.

भन्छौ

तिम्रो कविता बुझ्दिन

साँच्चै हो कि ढाँटेको?

कतै प्रेमभाव बुझ्दिनौ ?

३.

शायद

बेवकुफ ठान्छौ मलाई

मैले मनको कुरा गरें तिमी संग

आजकलको जमानामा

४.

चोट त धेरै दियौ

तर मैले सहें

के गरूँ ?

आफ्नै जो पर्यौ

५.

एक हूल नेता आए

भाषण गरे

गाउँमा तमाशा

६.

उ हरायो

धेरै खोजियो

अमेरिकाको ग्यास स्टेशनमा रहेछ

७.

हिजो बागमतीलाई भेटें

खै, कता गए सफा गर्छु भन्नेहरु

उ खोज्दै थियो

८.

घन्टी बज्यो ढोकामा

तिमी थियौ

आश्चर्य !

दिलको आवाज

९ .

बुद्दि र बुद्दिमत्ता

कुस्ती खेलेछन

घमण्ड हाँस्यो

१०.

बाझेको हो ?

या बहस गरेको ?

या थर्काएको ?

संसदमा छलफल !

– बैकुण्ठ राज आचार्य

टेक्सास

©BAcharya@2019

© कपीराईट–युएसनेपाल पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु साभार नगर्न आव्हान गरिन्छ । कसैले जानकारी विना साभार गरेको पाइएमा कानुनी कार्वाही गर्न बाध्य हुनेछौ ।