US Nepal Post

अमेरिका– नेपाली सिने अभिनेता स्वर्गीय केशव भट्टराईको निधन पछि परिवारमा परेको आर्थिक पीडालाई कम गर्न अमेरिकामा रहेका कलाकर्मिहरु सहयोगका लागी जुटेका छन् ।
अभिनेता भट्टराईको अल्पायुमै निधन भएपछि श्रीमति र एक छोरामा मानसिक संगै आर्थिक पीडा थपिएपछि कलाकर्मिहरुले सहयोग जुटाएका हुन । अमेरिकामा रहेका झण्डै ६० भन्दा बढी कलाकारले ७, ९८० हजार डलर सहयोग संकलन गरेको अभियानका अभियन्त निर्देशक तथा संचारकर्मि सुरेश दर्पण पोखरेलले जानकारी दिए । उनका अनुसार सहयोग उठने क्रम जारी रहेको छ ।

आफनो मान्छे, छोडी गए पाप लाग्ला , देवर बाबु लगायतका हिट सिनेमा निर्माण गरेका भट्टराईलाई पछिल्लो पटक निर्माण भएका सिनेमाले भने उनलाई साथ दिएन र लगानी डुल्यो । परिवारलाई यसले ऋणमा डुबायो । पछिल्लो समय चलचित्र विकास बोर्डको अध्यक्ष समेत बनेका भट्टराई परिवारलाई लागेको ऋणको भार कम गर्न अमेरिकामा रहेका चलचित्रकर्मि लागी परेका हुन ।
यस अघि अमेरिकामा रहेका कलाकारहरुले स्वः कलाकार दिपक क्षेत्रीलाई उपचारका लागी १० लाख रुपैया सहयोग संकलन गरेको थियो ।