ग्लोबल शोक (कविता)
-भगवती पोडेल
जन्मनु र मर्नु जीवन चक्र हो
अनन्त ब्याख्या मानवशास्त्रको
युगबाट युग सम्म सभ्यता आयो
अदृष्य शत्रुले क्षणमै ग्लोबल रुवायो !
न हतियारको युद्घ न क्षेप्यास्त्रको
न तालीमका योद्धाहरु न धर्मशास्त्रको
हारे जनयोद्धाहरु भुसुनाले यो के ल्यायो
भन्दै नभनी चुपचाप ग्लोबल युद्ध फैलायो !
यता अन्नको भण्डारहरु गल्ने भयो
उता भोकभोकै योद्धाहरु ढल्ने भयो
न मायाले सुमसुमाउन न खुवाउन पायो
पीडा दिंदै अदृष्य शत्रु ले सबै रुवाउन आयो !
न त कोही धनी रह्यो न त गरीव रह्यो
उड्ने गुड्ने धन्दा उधेग सबै बन्द भयो
हरे ! आदि अनाथका मालिक लोकमा यो
रक्षा गर भूताल पाताल ग्लोबल शोकमा भो !
–अप्रिल , २ २०२०
टेक्सस, अमेरिका
© कपीराईट–युएसनेपाल पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु साभार नगर्न आव्हान गरिन्छ । कसैले जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
-
उनलाई डालस एयरपोर्टमा ...
-
भाषण गर्छ, निर्देशन दिन्छ उपदेश ...
