लकडाउन ! (कविता )
–बैकुण्ठराज आचार्य
मध्य शहरमा
काग एकोहोरो कराईरहेछ
परेवा घुरिरहेछ
कताकता भाले कराएको सुनिन्छ
कुकुर भुकिरहेको छ
झ्यालको पर्दा खोल्छु
छिमेकी घरहरु हेर्छु
कौसीहरु रित्तै छन्
बार्दलीहरु रित्तै छन्
झ्यालहरु बन्द छन्
आकाशमा हवाईजहाज उडदैनन
चक्रपथमा गाडी गुडदैनन्
सडकमा कोहि हिँडदैनन
मान्छे !
छैन उ कतै !
फेसबुक, साथी एकान्तवासको
खै, किन हो पुराना तस्विर देखाउँछ
जीवनमृत्युको कुरा गर्छ
आम्मै, कति डाक्टरहरु !
सवैको निर्देशन पालना गर्नु छ
बसन्त ऋतु !
अनि ती टलल चम्केका सेता हिमाल
छक्क छन् आफ्ना पारखी नदेख्दा
कता गए मान्छेहरु यसपाली ?
एक अर्कालाई सोध्दैछन्
एकान्तबास छ मेरो
कविता आउँथिन मन–मस्तिष्कमा
घन्टौं पर्खिसकें
तर आइनन !
लकडाउन भयो क्या ! यहाँ पनि
© कपीराईट–युएसनेपाल पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु साभार नगर्न आव्हान गरिन्छ । कसैले जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
-
उनलाई डालस एयरपोर्टमा ...
-
भाषण गर्छ, निर्देशन दिन्छ उपदेश ...
