US Nepal Post

युएसनेपाल पाेष्ट संवाददाता

अमेरिकाको टेक्सस राज्यकाे ह्युस्टनमा शुक्रबार दिउसो भारतीय मुलका प्रहरीको गोली हानी हत्या गरिएको छ । नर्थवेस्ट हेरिस काउन्टीका सेरिफ डेपुटि ४२ वर्षिय सन्दिप धानीवालकाे हत्या भएकाे  स्थानिय प्रहरीेले जनाएको छ । धानीवाल शिख समुदाय रहेको बुझीएको छ । घटना टेक्ससको साइप्रस सहर नजिकै भएको हो ।
ट्राफिक नियम विपरीत कार चलाउनेलाई रोक्ने क्रममा उनलाई कार भित्र बसेका व्यक्तिले अन्धाधुन्ध पछाडीबाट गोली प्रहार गरेका थिए । ट्राफिक स्टपमा चेकजाचका क्रममा कार नजिकै आएका उनलाई कार भित्र रहेका व्यक्तिले बाहिर निस्केर गोली हानेका हुन ।
गभीर घाइते उनलाई हेलिकोप्टर मार्फत लगेर अस्पतालमा भर्ना गरिएको थियो । उपचारकै क्रममा उनको मुत्यु भएको स्थानिय संचारमाध्यमले जनाएका छन् । उनीलाई गोली हान्ने अपराधि प्रवृत्तिका रर्बट सलिस रहेको बुझिएको छ । उनलाई प्रहरीले पक्राउ गरिसकेको छ ।
मृतक धानीवाल दस वर्ष अधि अमेरिकन पुलिस फोर्समा भर्ना भएका थिए । उनी अमेरिको प्रहरीमा शिख समुदायको तर्फबाट पहिलो पुलिस अधिकारी थिए । उनले२०१५ मा पुलिस अफिसर तर्फ राम्रो काम गरेको रेकर्ड पनि बनाएका थिए ।