US Nepal Post

यु एस नेपाल पोस्ट सम्बाददाता

पेन्सिलभेनियामा, (अमेरिका)-अमेरिकाको पेन्सिलभेनिया राज्यमा शनिवार  याे समाचार तयार पार्दा सम्म काेबिड- १९ बाट मर्नेको संख्या ५ हजार नाघेको छ।

पेन्सल्भेनिया स्वास्थ्य विभागले जनाए अनुसार राज्यमा कोभिड १९ बाट कुल संक्रमित संख्या ६६,९८३ पुगेको छ भने मृतक संख्या ५,०९६ पुगेको छ । बिभाग का अनुसार आज मात्रै ७२४ नया संक्रमित थपिएका हुन् तथापी यो संख्या गत दुइ हप्ता देखि लगातार घटीरहेको छ ।

बिभागले दिएको जानकारी अनुसार करिब ५७% संक्रमितहरु निको भएर आफ्नो सामान्य जिबनमा फर्किसकेका छन् । मेमोरिअल डे सप्ताअन्तका कारण गभर्नर टम वोल्फ़ले प्रेस सम्मेलन मंगलबार सम्मलाइ स्थगित गरेका छन् ।

पेन्सिलभेनियामा संक्रमितहरुको संख्याको आधारमा काउन्टीहरुलाई रातो, पहेलो र हरियो क्षेत्र निर्धारण गरि लकडाउन क्रमश खुकोलो पार्दै लागिएको छ।