US Nepal Post

पहिलो पल्ट
साथीले भन्यो उसले तलाई प्रेम गर्छे
मैले नसुनेकोझैँ गरे
मैले प्रेम शब्दलाई ख्यालठट्टा सम्झिए
मैले बुझेको छु
उसले मबाट केहि पक्कै चाहन्थिन
उनि माहिर थिइन
पटकपिच्छे बहाना बनाई कुरा गर्न
साथीले सम्झाउथ्यो
प्रेम गर उसलाई नत्र पछुताउलास् नि

दोस्रो पल्ट
उसले समय मागिन भूगोल पार्कमा
दिउँसो दुई बजे
म पुगेको थिए उसको इच्छा बमोजिम
हड्बडाएर
उसले भनि म माया गर्छु हजुरलाई
म हाँसीदिए
उसले दिएको गुलाफ फूल कुल्चेर
उनि फनक्कै घुमिन्
अनि भकानिदै निस्किन ढोका खोलेर

अन्तिम पल्ट
एक्कासी उसको यादले पिरोल्न थाल्यो
सम्झिए साथीको कुरा
पछुताउदै खोजि गर्न थाले जँहात्यहिँ
साथीले भन्यो
त्यसै दिनदेखि उ कलेज आउन छोडि
घर गए भेट्न
मैले मेरो प्रेम घुमाइ सकेको थिए
भक्कानिदै रोए म
किनकि उसको इन्गेजमेन्ट भैसकेछ ।