राष्ट्रपति ट्रम्पले टिकटकको मुख्य कम्पनी बाइटडान्सलाई आफनो सम्पत्ति बेच्न ९० दिनको समय दिए

अमेरिका– अमेरिकी राष्ट्रपति डोनाल्ड ट्रम्पले चिनिया एप टिकटकको मुख्य कम्पनी बाइटडान्सलाई अमेरिकामा आफनो सम्पत्ति बेच्न ९० दिनको समय दिएका छन् ।
राष्ट्रपति ट्रम्पले बाइटडान्सले राष्ट्रिय सुरक्षालाई खतरा उत्पन्न गरेको भन्दै यो समयसिमा दिएका हुन ।
ट्रम्पले कार्यकारी आदेशमा बाइटडान्सले राष्ट्रिय सुरक्षामा जोखिम बढाएको भन्दै यसको प्रमाण आफुहरुसंग रहेको बताएका छन् । डिलका लागी अहिले चिनिया कम्पनी बाइटडान्स र माइक्रोसफ्ट बीच कुराकानी चलीरहेको छ ।
त्यसो त अघिल्लो साता नै ट्रम्प टिकटक र वीच्याट का चिनिया मालिकसंग लेनदेन गर्न रोक लगाएका थिए । उनले चिनिया एप अमेरिकाको राष्ट्रिय सुरक्षा, विदेश निति तथा अर्थव्यवस्थाका लागी खतरा रहदै आएको बताए ।
अमेरिकामा युवा पुस्ता माझ लोकप्रिय बन्दै गएको टिकटकको यहा १० करोड भन्दा बढी प्रयोगकर्ता रहेको बताईन्छ ।
राष्ट्रपति ट्रम्पले कार्यकारी आदेशमा बाइटडान्सले टिकटकका अमेरिकी प्रयोगकर्ताको पाएको कुनै पनि डाटा समेत फिर्ता गर्न भनेका छन् ।
अमेरिकी राष्ट्रपति ट्रम्पले माइक्रोसफ्ट तथा अन्य कुनै अमेरिकी कम्पनीले नकिनेको खण्डमा टिकटकलाई प्रतिबन्ध लगाउन १५ सेप्टेम्बरको समय सिमा यस अघि नै दिइसकेका छन् ।
ठ
सम्बन्धित खवर
-
टेक्सस– श्रीकृष्ण हिन्दु समाज ...