नेपालको प्रस्तावना विश्वमै उत्कृष्ट ५ भित्र ,अब भने भोटको भर !

समाचार

नेपालको ‘ध्वाँसे चितुवा’ सम्बन्धी प्रस्तावना विश्वभरमा उत्कृष्ट ५ भित्र परेको छ । ‘युरोपियन आउटडोर कन्जरभेसन एसोसिएसन’ का विज्ञ समूहले मूल्याङ्कन गरेर ‘पहाड तथा वन’ समूह अन्तर्गत यस प्रस्तावनालाई उत्कृष्ट ५ भित्र पारेको हो । यसलाई पब्लिक भोटिङका लागि खुल्ला गरिएको छ ।अनलाइन भोटको आधारमा उत्कृष्ट एकमा परे ‘प्रकृतिका साथीहरू’ संस्थाले करिब ३७ लाख बराबरको अनुदान पाउने छ । त्यो रकम कास्की जिल्लाको मादी गाउँपालिकामा ध्वाँसे चितुवा संरक्षणको लागि खर्च गरिनेछ । विशेष गरी सिक्लेस, ताङतीङ लगायतका गाउँहरू सो सहयोगबाट लाभान्वित हुनेछन् ।

नेपालको तर्फबाट सो परियोजनाको नेतृत्व ध्वाँसे चितुवाको नामले परिचित दोलखा निवासी अनुसन्धानकर्मी यादव घिमिरे र कास्कीका ‘उल्लु सर‘ भनेर चिनिने संरक्षणकर्मी राजु आचार्य सहितको समूहले गरिरहेका छन् । दुवै जना नेपाल भित्र र बाहिर वन्यजन्तुको अनुसन्धान र संरक्षणका काममा स्थापित। नाम हो ।

दुई हप्ताको लागि खुला गरिएको भोटिङ आजबाट कार्तिक ४ सम्म भोट गर्न पाइने छ । आफूसँग उपलब्ध भएको उपकरण (मोबाइल, ल्यापटप, डेस्कटप कम्प्युटर) प्रयोग गरेर एक उपकरणबाट एक भोट गर्न सकिने छ। पैसा तिरेर बुस्ट भने गर्न पाइनेछैनl भोटको लागि यो लिङ्कhttps://www.outdoorconservation.eu/project-voting-category.cfm?catid=5 खुले पछि केहि तल जानुपर्छ र दोश्रो परियोजना नेपालको हो l परियोजनाको नाम Protect the Clouded Leopard, Nepal भनेरलेखिएको छ l ल्यापटप वा कम्प्यूटर भए दायाँ तिर र मोबाईल भए परियाेजनाकाे तल पट्टिको VOTE भनेर लेखिएको मा क्लिक गर्न सकिन्छ l त्यसपछि खुलेको पेजमा (I am not robot) र (I have read…) को अगाडी रहेको बक्समा टिक गर्ने र अन्तमा रहेको Cast your vote मा क्लिकगरेर भोट गर्न सकिन्छ l कहिले काँही विभिन्न फोटोहरु दिएर भेरिफाई गर्न पनि भन्न सक्छ l

यो प्रजाति कस्तो हो ?

नेपालमा पाइने १२ प्रजातिका बिरालो प्रजातिहरुमध्ये यो प्रजाती लजालु स्वभावको हुन्छ l यो प्रजाति बाँदर झैँ चढने, उफ्रने तथा झुन्डिने गर्न सक्छ l बाँदरको सङ्ख्या नियन्त्रणमा सहयोगी यो स्तनधारी बन विनाश, डढेलो, चोरी सिकारी, अवैध व्यापार आदि कारणले अफ्ठयारोमा पर्दै गएका छन्lनेपाल सरकारले यो प्रजातिलाई संरक्षित प्रजातिमा पनि सुचिकृत गरेको छ l यो प्रजाति संरक्षणको लागि सिक्लेस, ताङतीङ, भुजुंग क्षेत्रमा संरक्षणकाकामहरु हुँदै आएका छन् l

तस्वीर : Pixabay

© कपीराईट–युएसनेपाल पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु साभार नगर्न आव्हान गरिन्छ । कसैले जानकारी विना साभार गरेको पाइएमा कानुनी कार्वाही गर्न बाध्य हुनेछौ ।