US Nepal Post

अमेरिका– अमेरिकामा झुठो तरिकाले विमा रकम लिन आफनै स्टोरमा आगो लगाउन षडयन्त्र रचेको अभियोगमा भारतीय मुलका एक आमा छोरीलाई जेल सजाय सुनाइएको छ ।
कोलम्बियामा बसोबास गर्ने ४९ वर्षिया मनजीत सिंह र उनकी २७ वर्षिया छोरी हर्पनीत बथलाई केन्टकीको एक संघीय अदालतले १८ महिना तथा ९ महिनाको जेल सजाय सुनाएको हो । समाचार स्रोतका अनुसार सिंहले केन्टकीमा आफनो स्टोरमा आगो लगाउनका लागी एक व्यक्तिलाई ५ हजार डलर दिन लागेको कुरा अदालत समक्ष स्वीकार गरेकी थिइन । विमाको रकम लिन उनले पसलमा आगो लगाउन चाहेकी थिइन ।
क्यानडामा रहेकी उनकी छोरी पनि केन्टकी आएर यो अपराधमा मदत गरेको कुरा स्वीकार गरेकी थिइन । तर उनीहरुले रचेको यो षडयन्त्रलाई घटना घटाउनु अघि अधिकारीहरुले यसको भण्डारफोर गरेका थिए । उनिहरु घटनाको घटाउनु अघि नै पक्राउ परेका थिए ।