US Nepal Post

अमेरिका– अमेरिकाको क्यालिफोर्नियामा श्रम कानुनको उल्लघन गरेको भन्दै एक भारतीय मुलकी अमेरिकी महिलालाई १५ सालको जेल सजाय सुनाइएको छ ।
शर्मिष्ठा बरई नामकी महिलाई घरेलु कामदारलाई कम तलबमा धेरै काम लगाएको डर त्रास देखाएका तथा हामपात समेत गरेको दोषी ठहराउदै सजाय सुनाइएको हो । महिलाका पति सतीष करतनलाई पनि जबरस्ती काम गराएको भन्दै दोषी ठहराएको छ । उनलाई २२ अक्टुबधिसरमा सजाय सुनाइनेछ ।

सहयाक महाधिवक्ता एरिक ड्रिबैंडले भनेका छ्न– अमेरिकाले १५० वर्ष पहिला नै दास प्रथाको समाप्त गरेको थियो । उनले यसरी जबरजस्ती डर धम्की देखाउदै तोकिएको समय भन्दा बढी काम लगाउनु गैरकानुनी हो ।
भारतीय दम्पत्तिले पीडितलाई डर धम्की देखाएर १८ घन्टा भन्दा बढी काम लगाएका समाचार एजेन्सीहरुले उल्लेख गरेका छन् । सुनवाईको दौरान अदालतमा पेश गरिएको दस्तावेजमा भारतीय दम्पत्तिले २०१४ देखि २०१६को बीचमा विदेशबाट घरेलु काम गर्न ल्याएका थिए । इन्टरनेट तथा भारतीय समाचारपत्रमा श्रमिक माग गरिएको विज्ञापनमा रोजगारीको शर्तको बारेमा समेत उनिहरुले झुठ बोलेको खुलेको छ । श्रम कानुन विपरीत उनिहरुले दैनिक १८ घन्टा काम लगाएर पीडितलाइ उचित आराम र आहारा समेत नदिएको बताइन्छ ।