US Nepal Post

टेक्सस– अमेरिकाको टेक्ससको अस्टिनमा काम गर्ने क्रममा अचानक बेहास भएर ढलेका रुपसिंह गुरुङको झण्डै २० दिन देखि होस खुल्न सकेको छैन ।
अस्टिनको एक रेष्टुरेन्टमा काम गर्ने क्रममा ढलेपछि ब्रेन ह्यामेरज भएका गुरुङको होस खुल्न नसकेको हो । ५५ वर्षिय गुरुङको सेन्ट डेभिड्स मेडिकल सेन्टरको आइसियुमा उपचार भइरहेको छ । उनको परिवार नेपालमा रहेकोले उनी एक्लै बस्दै आएको स्थानीय सामाजिक अभियान्त देवराज न्यौपानेले जानकारी दिए । स्याङजाको पुख्यौली घर भएका गुरुङको परिवार पोखराका लेखनाथ नगरिपालिका बुढीबजारमा बस्दै आएका छन् ।
गत सेप्टेम्बर २९ मा नेपाली रेष्टुरेन्टमा काम गर्ने क्रममा उनी एक्कासे लडेका थिए । ढलेपछि उनलाई बेहोस अवस्थामै अस्पताल पु¥याइएको थियो ।
गत २९ सेप्टेम्बर मा नेपाली रेष्टुरेन्टमा काम गदै आएका  उनी ढल्न पुगेका थिए  । ५ वर्ष देखि उनी अमेरिकामा बसेर एक्लै संघर्ष गदै आएका छन् । बाल्टीमोर बाट हालै उनी टेक्ससमा बसाइ सरेका थिए । अहिले गोफन्ड खोलेर उनलाई सहयोग संकलन गरिएको छ । डाक्टरका अनुसार निको भए पनि प्यारालाइसिस हुने र बोली समेत नआउने न्यौपानेले जानकारी दिए । उनको मुगौलीमा समस्या, निमोनिया र ज्वरो समेत नघटेकोले अवस्था गंभीर रहेको बताइएको छ । उनको परिवारलाई नेपालबाट झिकाउने पहल भइरहेको अस्टिनका सामाजिक अभियान्त देवराज न्यौपानेले जानकारी दिएका  छन् ।