US Nepal Post

अमेरिका– घरेलु कामदार माथि श्रम कानुनको उल्घनमा दोषी पाइएका एक भारतीय दम्पत्तिलाई बिहीबार १५ वर्ष भन्दा बढीको जेल सजाय सुनाइएको छ ।
४६ वर्षिय सतिश कर्तान तथा ४० वर्षिया पत्नि शर्मिष्ठा बरईलाई दोषी ठहराउदै जेल सजाय सुनाइएको हो । घरमा काम गर्न राखेको कामदारलाई कम तलबमा धेरै काम लगाएको डरत्रास देखाएको तथा हातपात समेत गरेको भन्दै गत गत मार्च महिनामा अदालतले दोषी ठहराएको थियो । उनिहरुलाई १५ हजार ६ सय ५७ डलर भुक्तानी गर्न समेत भनिएको छ ।
अदालतको दस्तावेजको प्रमाण अनुसार गत फेब्रुअरी २०१४ तथा २०१६ को बीचमा यी दम्पत्तिले विदेशबाट घरले कामदार काम गर्न आफनो घरमा ल्याएका थिए । उनिहरुले पीडितलाई डर धम्की देखाएर १८ घन्टा भन्दा बढी काम लगाएका थिए । अमेरिकामा १५० वर्ष पहिला दास प्रथा उन्मुलन भइसकेको अवस्थामा पनि उनिहरुले कामदार माथि गरेको शोषण अदालतले गैरकानुनी भएको ठहर गरेको थियो । उनिहरुले कामदारलाई काम लगाएर पारिश्रमिक समेत नदिने गरेका थिए ।