US Nepal Post

अमेरिका– अमेरिकाको वेस्ट साइड शिकागो स्टोरका सुरक्षागार्डले मास्क लगाउन भनेको विषयमा विवाद पछि गार्डमाथि चक्कु प्रहार गरेको आरोपमा दुई दिदि बहिनी पक्राउ परेका छन् ।
स्टोरका सुरक्षागार्डले फेस मास्क लगाउन र सेनीटाइजर प्रयोग गर्न आदेश दिएपछि र्भएको विवादमा दिदीबहिनीले चक्कु प्रहार गरेपछि पक्राउ परेका हुन ।
अमेरिकी संचारमाध्यमहरुका अनुसार २१ वर्षिया जेसिका हिल र १८ वर्षिया जयला हिल नाम गरेका दिदी बहिनीले सुरक्षागार्डले मास्क लगाउन भनेपछि उनीहरुले आनकानी गरेका थिए । मास्क लगाउन नमानेपछि उनीहरु बीच विवाद चर्किएको थियो । विवाद केही क्षणमै हातपातमा बदलिन पुग्यो । विवादपछि सुरक्षागार्डलाई धकेलेर जेसिका हिलले आफनो खल्तीबाट चक्कु निकालेर सुरक्षागार्ड माथि आक्रण गरेकी थिईन । आक्रणको समयमा जयल हिलले सुरक्षार्डलाई समातेकी थिइन । उनिहरुले सुरक्षागर्ड माथि २७ पटक भन्दा बढी चक्कु प्रहार गरेको बताइन्छ । घाइते सुरक्षागार्डको गंभीर अवस्थामा अस्पतालमा उपचार भइरहेको छ ।

एजेन्सी