US Nepal Post

अमेरिकी– अमेरिकी राष्ट्रपति डोनाल्ड ट्रम्पको चुनाव अभियान समितिले गत नोभेम्बर तीनमा भएको चुनावको परिणाम परिवर्तन गर्ने प्रयास जारी राखेको छ ।
समितिले चुनावी परिणामलाई लिएर अमेरिकी सर्वोच्च अदालतमा नया मुद्धा दायर गरेको छ । समितिले पेन्सिलभेनिया अदालतद्धारा गरिएको तीन वटै फैसलालाई खारेज गर्न समेत आग्रह गरेको छ ।
चुनावी विशेषज्ञका अनुसार यदि पेन्सिलभेनियाको इलेक्टोरल कलेज भोट हटाए पनि चुनावी परिणाममा कुनै परिवर्तन नआउने बताएको छ । बाइडेन र ट्रम्पको जीत अन्तर धेरै रहेकोले पेन्सिलभेनियाको परिणाम उल्टाए पनि बाइडेनको जीतलाई रोक्न मुस्किल छ ।
यता ट्रम्पका वकीलले रुडी गुलियानीले एक बयानमा अदालतलाई यो मामलाको फैसल जनवरी ६ अगाडी नै सुनवाई गर्न आग्रह गरेका छन् ।
जनवरी ६ मा नवनिर्वाचित राष्ट्रपति जो बाइडेन औपचारिक रुपमा राष्ट्रपति भएको घोषणा गरिनेछ ।
समाचार स्रोतका अनुसार ट्रम्पको चुनाव अभियान समितिले अहिलेसम्म झण्डै ५० वटा अदालतमा दायर गरिसकेको छ । ति मुद्धामा कुनै प्रमाण नभेटिएपछि अदालतले सबै मुद्धाहरु खारेज गरिसकेको छ ।