US Nepal Post

टेक्सस-युएसनेपाल पोष्ट मिडिया प्रालिको साहित्य संयोजकमा साहित्यकार बैकुण्ठराज आचार्यलाई नियुक्त गरिएको छ ।
युएसनेपाल पोष्टको हरेक शनिवारको शनिवारिय साहित्यमा नियमित साहित्यिक लेखन गदै आएका आचार्यलाई सम्पादक मण्डलले सोमबार एक निर्णयगरी नियुक्त गरेको हो ।

लामो समयदेखि अमेरिकाको टेक्सस बस्दै साहित्य लेखन र साहित्य गतिविधिमा सक्रिय आचार्यका ‘न्यास्रो जन्मुभूमिको ‘तथा हालै मात्र ‘आज फेरि ‘नामक अर्को कविता संग्रह समेत प्रकाशित भएको छ । उनका अन्य कृति पनि पाण्डुलिपीको रुपमा तयार छन् ।
विभिन्न पत्रपत्रिका तथा अनलाइन पत्रिकामा नियमित साहित्य लेखन गदै आएका आचार्य टेक्ससमा हुने विभिन्न साहित्यिक प्रतियोगितामा निर्णायकको भुमिका समेत निर्वाह गदै आएका छन् ।

आचार्यले जनप्रशासन, समाजशास्त्र, र जलव्यवस्थापन इन्जिनियरिङमा मास्टर डिग्री प्राप्त गरेका छन् । उनी टेक्ससको साहित्य अभियान स्रष्टा साझ टेक्ससका सस्थापक मध्येका एक रहेका उनी हाल स्रष्टा साझका सचिव हुन ।