US Nepal Post

अमेरिका– अमेरिकाको क्यालिफोर्नियामा दुव्र्यहारको मारमा परेका नेपाली उबर चालक शुभाकर खडकाको सहयोगको लागी गोफन्डमा झण्डै ८५ हजार डलर संकलन भएको छ ।
गोफन्ड अकाउन्ट खोलेर सहयोग संकलनको आव्हान गर्ने अमेरिकाकी व्यवसायी तथा लगानीकर्ता महिला सायन बेनिस्टरले थप २० हजार डलर आफनो तर्फबाट सहयोग गर्ने घोषणा गरिसकेकी छिन् । गोफन्ड र सहयोगी महिलाले दिने सहयोग जोडदा खडकाको लागी नेपाली एक करोड रुपैया भन्दा बढी सहयोग संकलन भएको छ । गोफन्डमा सहयोग उठने क्रम जारी रहेको छ ।
उबर चलाउने क्रममा दुव्र्यहारमा परेपछि सुरक्षाका कारण उबर चलाउन समस्या भएपछि उनका लागी घरभाडा, खाना तथा मासिक तिर्नुपर्ने बिलका लागी बेनिस्टरले गोफन्ड सुरु गरेकी थिइन । नेपालीका लागी अमेरिकनले गोफन्ड खोलिदिएर यति धेरै सहयोग संकलन भएको यो पहिलो पटक हो ।
बेनिस्टरले गोफन्ड मार्फत सुरु गरेको सहयोग संकलनलाई गोफन्डले पनि आधिकारिक सहयोग संकलनको रुपमा शेयर गरेको छ ।
अघिल्लो आईतबार क्यालिफोर्नियाको शान फ्रान्सिसकोमा उबर चालक खडका माथि दुई महिलाले मोबाइल खोस्ने, पपेर स्प्रे छर्कने, अनुहार नजिक आएर खोक्ने तथा अश्लिल गाली गलौज गदै अभद्र व्यवहार गरेका थिए । यस्तो व्यवहार गर्ने एक महिला पक्राउ परेकी छिन् । अर्को महिलाले आत्मसमर्पण गर्ने भनिए पनि अहिले सम्म पक्राउ परेकी छैनन