US Nepal Post

युएसनेपालपाेस्ट विशेश ब्युराे

टेक्सस– कमाई राम्रो तथा आफुलाई मिल्दो समयमा गर्न पाइने भएकाले उबर अर्थात ट्याक्सी चलाउने पेशामा नेपाली समुदायका युवाहरुको आकर्षण बढदो छ ।
उबर चलाउने पेशा सजिलो संगै पछिल्लो क्रममा सुरक्षाका कारण जोखिम पनि त्यतिकै बढ्र्द गएको छ ।
अमेरिकाको क्यालिफोर्नियामा नेपाली उबर चालक शुभाकर खडका तथा न्युयोर्कमा लिफ्ट चालक आशिष सापकोटा माथी भएको आक्रमण मात्र उदाहरण मात्र हुन । यस अघि पनि अमेरिकामा उबर चलाउने क्रममा नेपाली उबर चालक लुटने कुटिने घटनाहरु घटीरहेका छन् । यसरी लुटिने घटनाहरु कतिपय ज्यानको सुरक्षाको कारणले नेपालीहरुले बाहिर ल्याएका छैनन ।
दुई वर्ष अघि मात्रै न्युयोर्कमा नेपाली उबर चालक लक्ष्मण बाग्ले ज्याक्सन हाइटमा लुटिएका थिए । लुटेराले उनको साथमा भएको रकम, क्रेडिट तथा डेबिट कार्ड लगायतका सरसामान लुटेका थिए ।
अमेरिकामा कतिपय नेपाली ट्याक्स चालकहरु पार्किङ लटमा बसीरहेका अवस्थामा समेत लुटिएका छन् । अमेरिकाको खास गरी न्युयोर्क, क्यालिफोर्निया बोष्टन भर्जिनिया लगायतमा उबर चलाउने नेपालीहरुको संख्या उल्लेख्य रहेका छन् । एक तथ्याङक अनुसार नेपाली समुदायको अधिक बसोबास रहेको न्युयोर्कमा झण्डै ६ हजारको हाराहारीमा नेपाली उबर चालक रहेको अनुमान छ ।
केही वर्ष यता उबर तथा टयाक्सी चलाउनेहरुको संख्या बढदै गएपछि कमाई कम हुन थालेको छ । कमाइ कम हुन थालेपछि केही नेपालीले पेशा समेत परिवर्तन गदै गएका छन् ।

न्युयोर्कमा दस वर्ष देखि उबर चलाउदै आएका हरिश पौडेलले आफनो अनुकुलता हेरेर गर्न सक्ने यो पेशाबाट सन्तुष्ट छन् । पछिल्लो क्रममा उबर चालक माथि भएका आक्रमण र लुटाटका घटनाले भने उनलाई केही चिन्ता थपेको छ । उबर चलाउदा सावधानी अपनाउनै पर्छ’ उनले भने– कमाइ राम्रो भएकाले यो पेशालाई छाडन सकेको छैन ।

अमेरिकामा विभिन्न सामाजिक संघसंस्थामा आवद्ध नेपालीहरु उबर पेशामा लाग्नेहरु अधिक छन् । आफनो भनेको समयमा गर्ने पेशा का कारण उनिहरु संघसस्थामा सहज रुपमा आवद्ध हुन पाएका छन् । विशेष गरी न्युयोर्क र क्यालिफोर्नियामा नेपाली उबर चालक बनेर संघ सस्थामा लाग्ने नेपालीहरु अधिक रहेका छन् ।
राम्रो कमाइ संगै जोखिममा कारण अहिले नेपालीहरुले धमाधम यो पेशा परिवर्तन गदै आएका छन् । कतिपयले उबर चलाउने पेशा छाडेर अन्यत्र राज्यमा बसाई सरी पेशा व्यवसायमा लागेका छ्न ।