US Nepal Post

अमेरिका–अमेरिकाको टेक्ससमा बसोबास गदै आएकी नेपाली मुलकी जेसिका लम्साल नेशनल अमेरिकन
मिसको हलिउड क्यालिफोर्नियामा हुने राष्ट्रिय प्रतियोगिताका लागी
छानिएकी छिन् ।
आइतबार नेशनल अमेरिकन मिस को टेक्ससको प्रतिस्पर्धाबाट उनी राष्ट्रीय छनौट हुदै हलिउडको यात्रा तय गरेकी हुन ।
टेक्ससको हयुस्टनमा तीन दिनसम्म संचालित टेक्सस राज्यस्तरीय प्रतिस्पर्धामा जेसिकाले विभिन्न अर्वाडहरु पनि हात पारेकी छिन् ।
क्यालिफोर्नियामा अन्तिम प्रतिस्पर्धा आउदो नोभेम्वर २१ देखि २७ गतेसम्म साता दिनसम्म संचालन हुनेछ ।टेक्ससमा भएको प्रतिस्पर्धामा तीन जना छनौट भएका मध्येमा जेसिका पनि परेकी थिइन ।अमेरिकाको विभिन्न ४८ वटा राज्यबाट
राज्यस्तरको प्रतिस्पर्धाबाट तीन जना छनौट गरि अन्तिममा हलिउड क्यालिफोर्नियमा प्रतिस्पर्धा गराईन्छ ।
बोल्ने कला, क्याटवाक , विद्यालयको स्कोर लगायत १२ वटा विद्यामा गरिएको प्रतिस्पर्धाबाट उनी छानिएकी हुन ।

टेक्ससबाट छनौट भएपछि जेसिकाले अन्तिम प्रतिस्पर्धामा थप मेहनत गरि नेपालको नाम राख्न चाहेको बताएकी छिन् ।
‘ आशा छ हलिउडको प्रतिस्पर्धामा पनि आफुलाई जिताउन सक्षम हुनेछु’ जेसिकाले भनिन –त्यसका लागी तयारी गरिरहेकी छु ।’
उनले यो केवल सुन्दरी प्रतियोगिता नभएर  जा बौद्धिक क्षमताको जाच गराउने प्रतिस्पर्धा भएको बताइन ।
भर्खर मात्र १२ उर्तिण गरेकी जेसिका चार वर्ष अघि मात्र अमेरिका आएकी हुन । उनी यस
अघ पनि टेक्ससमा भएको विभिन्न प्रतियोगितामा सहभागी भएर विभिन्न अर्वाडहरुरु जितिसकेकी छिन् ।
बोल्ने कलामा निपुर्ण जेसिकाले विभिन्न विषयमा धाराप्रवाह आफनो भनाइ राख्न सक्छिन् ।