US Nepal Post

युएसनेपाल पोष्ट संवाददाता

अनुजा शर्मा, अष्ट्रेलियाकाेसिडनीमा बसोबास गर्छिन् । नेपाली समुदाय माझ उनी मोडलको रुपमा परिचित छिन् ।
अष्ट्रेलियामा हुने हरेक इभेन्टमा उनको क्याटवाक देख्न सकिन्छ । त्यसो त उनी आधा दर्जन म्युजिक भिडियोमा समेत अभिनय गरेकी छिन् । अकाउन्टिङमा ब्याचलर डिग्री सकेकी अनुजाले अष्ट्रेलिया रहेका ग्ल्याम फोटोग्राफरहरु संग पनि फोटोसुट गरिसकेकी छिन् । आकर्षक शारीरक बनोट तथा सुन्दतरताले समेत साथ दिएको अनुजालाई मोडलको रुपमा सबैले चिन्छन् ।

६ वर्ष अघि अष्ट्रेलिया  आएकी अनुजाले मिस नेपालअष्ट्रेलियासमेत भाग लिएर मिस ट्यालेन्टको टाइटल पाइन । उनी १७ वर्षको हुदा नेपालमा भएको किबी फेसन शोमा पहिलो पटक ¥याम्पमा उर्तिदै मोडलिङको करिअर थालेकी थिइन । त्यस्तै मिस नेपाल ग्लोबलमा पनि उनले सहभागिता जनाएकी थिइन ।

मोडलिङका सबै विधामा पोख्त अनुजाले सिनेमा क्षेत्रमा अभिनय गर्ने बारेमा भने अहिले केही सोचेकी छैनन । नृत्य, भ्रमण तथा अभिनयमा रुची भएकी अनुजालाई प्रवासमा खाली रहेको समयलाई मोडलिङमा लगाएर रमाएकी छिन् ।
सानै देखि टिभीहरुमा देखिने विभिन्न कला र फेसनको शोले गर्दा पनि उनलाई यो क्षेत्रमा आउन मोह जागेको हो । अहिले यो क्षेत्रमा लागेर प्रवासमा भएर पनि निरन्तरता दिन पाउदा उनी सन्तुष्ट छिन् । आफनो एउटा सौख हो उनले भनिन– ‘मोडलिङलाई भविष्यमा पनि निरन्तरता दिने सोचमा छु ।’

अहिले उनी सिडनकी के एस पिपुल एजुकेशन्स तथा भिसा सर्भिसमा एडमिसन अफिसरको रुपमा समेत कार्यरत छिन् ।