US Nepal Post

कर्मा नेपालको बहुचर्चित ब्यान्ड हो । यसका गायक सुरेन्द्रमान सिंह केही वर्ष देखि अमेरिकाको टेक्ससमा बस्दै आएका छन् ।
अमेरिकामा बसेर पनि उनले आफनो सांगीतिक यात्रालाई निरन्तर अगाडी बढाइरहेका छन् ।
अमेरिकामा बसेर नै गीत संगीतमा व्यस्त यी गायक नेपाल संगै अन्य विदेशी मुलुकहरुमा पनि नियमित रुपमा सांगीतिक कन्र्सट गदै आएका छन् । विभिन्न सागीतिक कासेली समेत ब्यान्डले बजारमा ल्याउने गरेको छ ।
यसै बीच कर्म ब्यान्डले भर्खर मात्रै एउटा भिन्न खालको रमाइलो गीत आफनो अफिसियल युटयुब च्यानल मार्फत सार्वजनिक गरेको छ । मनको घन्टी नामको गीत युटयुबमा राखेर छोटो अवधिमा दर्शकको माया बटुल्न सफल भएको छ । गीतको म्युजिक भिडियो पनि आकर्षक बनेको छ । गीतमा कर्मा ब्यान्डका भोकलिष्ट सुरेन्द्रमान सिंहको स्वर रहेको छ । गीत झयाम्म झयाम्म खालको छ । गीतले खास गरी नेपाली संस्कृति झल्कने विषयलाई निकै मनोरञ्जन तरिकाले पस्केको छ । त्यसो त कर्मा ब्यान्डले नेपाली सांगीतिक आकाशमा एउटा बेग्लै खालको स्वाद पस्केर दर्शकको मन जित्दै आएको छ ।
गीतमा हरि महर्जनको गिटार्स र ब्याक भोकल रहेको छ । त्यस्तै ड्रमर अनिल शाक्य, बासुदेव श्रेष्ठको गिटार र बिजय श्रेष्ठको बेस गिटार रहेको छ ।गीतलाई मनको आनन्द र सुरेन्द्रमान सिंहले रचना गरेका हुन ।